Рускиот претседател Владимир Путин ја осуди „неиспровоцираната агресија“ против Иран во понеделник, додека беше домаќин на разговорите со највисокиот ирански дипломат во Москва.
За време на состанокот со иранскиот министер за надворешни работи, Абас Арагчи, Путин рече дека нападите „немаат основа и никакво оправдување“, објави АП.
Тој додаде дека Русија, еден од главните сојузници на Иран, вложува напори да му обезбеди помош на иранскиот народ.
Додека Арагчи ѝ се заблагодари на Русија за осудата на постапките на Израел и САД против Иран, велејќи дека „Русија денес е на вистинската страна на историјата и меѓународното право“.
„Овие агресивни дејствија на Израел и САД се целосно нелегални и ги кршат меѓународните правила и норми. Ние го браниме нашиот суверенитет и нашата земја, а нашата одбрана е легитимна“, рече Арагчи.
Арагчи е испратен во Москва од страна на врховниот лидер на Иран, ајатолахот Али Хамнеи.
