Францускиот претседател Емануел Макрон рече дека сака луѓето да бидат повеќе вклучени во демократските процеси преку поедноставување на правилата за референдум и децентрализација на функциите на владата. Макрон вети и намалување на даноците за француските граѓани.
Ветувањата на претседателот Макрон се дадени откако тој веќе неколку месеци се соочува со протести од движењето наречено „Жолти елеци“, пренесува rel.
Мерките на францускиот претседател имаат за цел да го отстранат незадоволството од неговата влада, иако бројот на демонстранти значително се намали во последните недели.
„Жолтите елеци“ протестираат од ноември минатата година. Протестот прво почна против поскапувањето на нафтата, а потоа резултираше со зголемување на незадоволството од владата на Макрон.
Демонстрантите често се судираат со полицијата, предизвикувајќи хаос на улиците на Париз.
