-
Превод: Флутура Гаши-Мехмети
- 5 октомври 2025 12:09 часот
- Споделете на:
Најмалку пет цивили се убиени откако Русија лансираше беспилотни летала, ракети и воздушни бомби во Украина во текот на ноќта од саботата до недела наутро.
Официјалните лица изјавија дека нападот бил насочен кон цивилната инфраструктура.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеМосква лансираше повеќе од 50 балистички ракети и околу 500 дронови во девет региони низ Украина, изјави претседателот Володимир Зеленски во недела наутро, објави АП.
Четири лица, меѓу кои и 15-годишно момче, се убиени во комбиниран напад со беспилотни летала и ракети во Лавов, според регионалните власти и службите за итни случаи на Украина. Историскиот западен град често се смета за засолниште од борбите и уништувањето на истокот. Најмалку шест други лица се повредени, според соопштението на украинската полиција.
Нападот остави две населби без електрична енергија, а јавниот превоз беше во прекин неколку часа во недела наутро, соопшти градоначалникот Андриј Садови.
Во јужниот град Запорожје, во воздушен напад во текот на ноќта загина една жена, а девет други беа ранети, вклучувајќи и 16-годишно девојче, соопшти регионалниот гувернер Иван Федоров.
Федоров рече дека нападот уништил станбени згради и оставил околу 73,000 семејства во Запорожје и околните области без електрична енергија.