-
Превод: Флутура Гаши-Мехмети
- 9 февруари 2025 16:45 часот
- Споделете на:
Израелскиот заложник ослободен од Хамас не знаел дека неговата сопруга и ќерките биле убиени во нападот на 7 октомври сè до неговото ослободување во саботата, соопшти британското семејство на неговата сопруга.
Ели Шараби беше заробен од Хамас пред 16 месеци и беше ослободен во саботата во Деир ал Балах, во Газа, јавува Би-Би-Си.
Неговата сопруга Лиен Шараби, која потекнувала од Бристол, и ќерките Ноија и Јахел биле пронајдени убиени во нивниот дом „гушкајќи се“ во 2023 година.
Родителите на Лиан, Гил и Пит Бризли, изјавија за Би-Би-Си во неделата дека војник на израелските одбранбени сили (ИДФ) му кажал на Шараби што се случило со неговото семејство.
Неговите роднини не беа сигурни дали Шараби знаел дека Лиан, Ноија и Јахел биле убиени во нападот на 7 октомври.
Тој беше еден од тројцата заложници кои Хамас му ги предаде на Црвениот крст во саботата, како дел од договорот за прекин на огнот со меѓународно посредство.
Зборувајќи на сцената за време на неговото ослободување, Шараби рече дека е многу среќен што се враќа кај сопругата и ќерките.
Двојката Бризли, која живее во Бриџенд, јужен Велс, рече дека плачеле додека го гледале ослободувањето на нивниот зет на телевизија во живо.
ПРОЧИТАЈТЕ ИСТО:
