-
Превод: Идеал Жуби
- 18 март 2025 година 16:27 часот
- Споделете на:
Долниот дом на германскиот парламент (Бундестаг) одобри неколку уставни измени кои и овозможуваат на следната сојузна влада да ги надмине ограничувањата на долгот и буџетските ограничувања, пренесува ДВ.
За измените гласаа вкупно 513 пратеници, а против 207 пратеници. Според сегашните закони, потребни се две третини од гласовите (од нив 489) за да се поттикнат уставните измени.
Промените беа спроведени преку гласовите на партиите ЦДУ/ЦСУ, СПД и Зелените, кои начелно се согласија за предлозите минатата недела.
Втората по големина партија во Германија, Алтернатива за Германија (АфД), беше против овие уставни измени. Екстремната десница тврди дека овие промени ќе ги оптоварат идните генерации во Германија.
Законодавството сега се префрла во Горниот дом на германскиот парламент (Бундесрат), каде што се очекува да се гласа во петок.
Конзервативниот блок ЦДУ/ЦСУ и социјалдемократите, со кои се водеа разговори за формирање на новата влада, го истуркаа предлогот за релаксирање на прашањето за јавниот долг. Новиот предлог и овозможува на државата да го зголеми долгот за трошоците за одбрана и „специјален фонд“ од 500 милијарди евра посветен на реформите во инфраструктурата.
Плафонот на долгот беше воведен во 2009 година по глобалната финансиска криза, со цел да се ограничи капацитетот за задолжување на Германија за заштита на идните генерации од товарот на големите долгови. Но, во последниве години, особено по кризите како што се пандемијата и војната во Украина, забавувањето се сметаше за пречка за економскиот раст.
ПРОЧИТАЈТЕ ИСТО:
