Папата Франциско стана првиот папа што се обрати на самитот на седумте најразвиени индустриски земји во светот (Г7), предупредувајќи ги светските лидери дека никогаш не смее да се дозволи вештачката интелигенција да доминира над човештвото.
Папата рече дека вештачката интелигенција претставува „епохална трансформација“ за човештвото, но ја истакна потребата од близок надзор на технологијата која постојано се развива за да се зачува човечкиот живот и достоинство.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Ниту една машина не треба да избере да го одземе животот на човечко суштество“, рече тој пред да додаде дека луѓето не треба да дозволат супермоќните алгоритми да одлучуваат за нивната судбина.
„Ние би го осудиле човештвото на безнадежна иднина ако им ја одземеме способноста на луѓето да донесуваат одлуки за нивните животи, осудувајќи ги да зависат од изборот на машините“, предупреди тој.
Самитот на Г7, кој се одржува во Италија, ги собира лидерите на САД, Германија, Велика Британија, Франција, Италија, Канада и Јапонија.
Папата Франциско призна дека вештачката интелигенција може да го прошири пристапот до знаење ширум светот.
„На сите им останува добро да ја користат (вештачката интелигенција), но одговорноста е на политиката да создаде услови таквата добра употреба да биде возможна и плодна“, додаде тој.
Во нацртот на нивната заклучна изјава, лидерите на Г7 во петокот рекоа дека ќе подготват план за предвидување на идните вештини и потреби за образование за да се искористат предностите од револуцијата на вештачката интелигенција што е во тек. /REL