-
Превод: Флутура Гаши-Мехмети
- 22 мај 2025 09:24 часот
- Споделете на:
Израелскиот премиер Бенјамин Нетанјаху изјави дека ќе биде зголемена безбедноста за израелските претставници и во дипломатските мисии низ целиот свет.
„Срцето ме боли за нивните семејства и за младите луѓе чии животи беа прекинати од ужасен антисемитски убиец“, рече Нетанјаху.
„Сведоци сме на ужасната цена на антисемитизмот и дивјачкото поттикнување против државата Израел“, додаде тој.
Неговата реакција дојде откако двајца вработени во израелската амбасада во Вашингтон беа убиени во среда навечер додека си заминуваа од настан поврзан со помош во Газа.
Властите соопштија дека 30-годишниот осомничен извикувал „Слободна Палестина“ за време на апсењето.
Во соопштението од кабинетот на премиерот се вели дека Нетанјаху разговарал со американската државна обвинителка Пам Бонди и со израелскиот амбасадор во земјата.
