Портпаролот на Кремљ, Дмитриј Песков, изјави дека Русија не е против пристапот на Украина во Европската унија, бидејќи тоа не го гледа како закана за безбедноста на Русија. Сепак, тој рече дека ситуацијата е сосема поинаква кога станува збор за влез на Украина во кој било воен сојуз.
„Тоа е суверено право на секоја држава. Зборуваме за интеграции и економски процеси и секако никој не може да диктира што може да направи една држава. Ние нема да го направиме ова. Но, нашиот став за прашања поврзани со безбедноста, одбраната или воените сојузи е сосема поинаков. Има друго прашање и тоа им е познато на сите“, рече тој.
Тој рече дека нема информации за можна средба Трамп-Путин, но додаде дека денешните разговори би можеле да дадат поголема јасност.
