Стотици илјади демонстранти ги преплавија улиците на Бурма, во најголемите демонстрации досега против воениот удар во земјата.
Полицијата почна да ги растера продемократските демонстранти, додека генералниот штрајк ги затвори бизнисите низ целата земја. Со масовниот собир демонстрантите и пркосеа на заканата на властите дека пресметката ќе ги чини живот.
Три недели по преземањето на власта, хунтата не успеа да ги запре секојдневните протести и движењето за граѓанска непослушност против државниот удар на 1 февруари и апсењето на избраната лидерка Аунг Сан Су Чи.
Преку објава на Фејсбук, военото раководство ги предупреди граѓаните на „насилство и анархија“. Повикот дојде еден ден откако најмалку две лица беа убиени во протестите во неделата, во најлошата ескалација во повеќе од две недели демонстрации.
-
Работниците штрајкуваат во Бурма, ги игнорираат повиците на армијата
-
Армијата го продолжи политичкиот ќор-сокак во Бурма, ги одложи изборите
-
Со протести се одбележува годишнината од пучот во бурманската хунта
-
Бурма ќе ослободи повеќе од 5000 луѓе кои беа затворени за протестите против државниот удар
-
Бурманците излегоа на улица против владата на хунтата