Британската премиерка Тереза Меј изјави дека податоците покажуваат дека е „многу веројатно“ Русија да стои зад нападот со нервен агенс врз поранешниот руски шпион и неговата ќерка, иако Кремљ негираше вмешаност на Москва во инцидентот.
Меј, за време на говорот во Парламентот, рече дека или руската држава била директно вмешана во труењето на 66-годишниот Сергеј Скрипал и неговата ќерка Јулија во градот Солсбери, или дозволила нервниот агенс да падне во рацете на други.кои го извршија нападот, пренесува REL.
Доколку се докаже дека Москва стои зад ова труење, Меј изјави дека нејзината влада ќе го смета ова како „незаконска употреба на сила“ од страна на Русија.
Таа додаде дека рускиот амбасадор во Британија е поканет на состанокот за да разјасни како бил употребен нервниот агенс против поранешниот руски шпион и му дал рок до 13 март да даде сигурен одговор.
Официјални лица рекоа дека поранешниот руски шпион и неговата ќерка се во критична состојба и се лекуваат во болница во Солсбери откако на 4 март биле изложени на нервен агенс.
Кремљ негираше каква било вмешаност во овој инцидент.
исто така
Рускиот полковник се испоставува дека е еден од осомничените за труењето во Англија
Рускиот претседател Владимир Путин зборуваше само неколку часа пред Меј да се обрати во Парламентот. Тој рече дека властите во Британија треба да откријат што навистина се случило во Солсбери пред да ја обвинат Русија за инцидентот.
„Дојдете до дното на работите и после тоа, можеме да разговараме“, изјави тој на новинарот на Би-Би-Си, одговарајќи на прашање за нападот на поранешниот шпион Скрипал.
