Претседателот на Франција, Емануел Макрон, во понеделник ја отфрли оставката на премиерот на земјата Габриел Атал, барајќи од него привремено да остане на оваа функција, по хаотичните резултати од изборите, објави „Вашингтон пост“.
Атали рече дека ќе остане на функцијата доколку биде потребно, но ја понуди својата оставка во понеделник наутро.
Макрон, кој го назначи пред само седум месеци, побара од него да остане на чело на извршната власт „за да се обезбеди стабилност на земјата“.
Клучните политички сојузници на Макрон се приклучија на средбата со Атали во претседателската палата.
Атали во неделата јасно стави до знаење дека не се согласува со одлуката на Макрон да распише предвремени избори. Резултатите од двата круга на гласање не оставија јасен пат за формирање влада ниту за левичарската коалиција која беше прва, ниту за либералите на Макрон, ниту за екстремната десница.
Резултатите од гласањето во неделата го зголемија ризикот од парализа за втората по големина економија во Европската унија.