Макрон предупредува на можноста за продолжување на мерките против Ковид до лето

Францускиот претседател Емануел Макрон предупреди дека мерките против коронавирусот во Франција може да траат до крајот на првата половина од оваа година.

Макрон ја даде оваа изјава за време на состанокот што го имаше со група студенти на универзитет во Париз на кои им беше кажано дека мерките може да траат во текот на академската 2020/21 година, пренесува Ројтерс.

„Имаме второ полугодие, кое повторно ќе се соочи со вирусот и многу ограничувања“, им рече Макрон на студентите со кои разговараше за последиците од пандемијата и мерките против неа.