Борбата против климатските промени ќе биде извор на економски раст и создавање богатство, се вели во извештајот на меѓународните експерти објавен денеска, кој настојува, со пресметување на потенцијалните придобивки, да ги убеди државите и бизнисите да се заложат повеќе.
„Трансформацијата на нашиот економски модел кон економија која произведува помалку CO2 содржи многу можности“, се вели во овој извештај на Светската комисија за економија и клима, создаден во 2013 година и поддржан од поранешни политички лидери, бизнис лидери или дури и економисти.
„Благодарение на појавата на помалку загадени градови, развојот на чиста енергија, инфраструктури и еколошки покомпатибилно земјоделство, ќе добиеме поголемо производство, економски придобивки и поголема социјална вклученост“, велат експертите во овој извештај.
Според нив, придобивките од промената на овој економски модел би можеле да претставуваат 26.000 милијарди долари дополнителни економски придобивки до 2030 година, како и да генерираат 65 милиони повеќе работни места во споредба со сегашниот тренд.