-
Превод: Флутура Гаши-Мехмети
- 23 февруари 2025 16:02 часот
- Споделете на:
Ажурирано (16:10) - Украинскиот претседател Володимир Зеленски изрази подготвеност да се откаже од претседателствувањето во замена за мир или членство на Украина во НАТО.
„Да, јас сум среќен, ако е за мирот на Украина“, рече Зеленски во неделата на прес-конференција во Киев, пренесува Би-би-си.
„Доколку е неопходно да ја напуштам оваа фотелја, јас сум подготвен да го сторам тоа, а исто така можам да го заменам за членство во НАТО за Украина“, рече тој.
Зеленски додаде дека сега е фокусиран на безбедноста на Украина, додавајќи дека не е негов „сон“ да остане претседател цела деценија.
Зеленски, исто така, рече дека е „благодарен“ за поддршката на администрациите на Бајден и Трамп.
Тој побара разбирање и безбедносни гаранции од претседателот Трамп за да и помогне на Украина. Украинскиот претседател додаде дека го поканил Трамп во Украина.
Европските лидери ќе се сретнат в понеделник во Украина, најави Зеленски
Украинскиот претседател Володимир Зеленски изјави дека европските лидери ќе се соберат во понеделник во Украина за да разговараат за безбедносните гаранции за земјата.
Говорејќи на прес-конференција во Киев во неделата, еден ден пред третата годишнина од војната, Зеленски рече дека на Украина и е потребна поддршка од Европа и САД, пренесува Би-Би-Си.
Според него, на состанокот во понеделник се очекува да бидат донесени „силни одлуки“, додавајќи дека се очекува и одвоена средба со лидерите на парламентот на Европската унија за пакетите за поддршка и санкциите против Русија.