-
Превод: Флутура Гаши-Мехмети
- 15 јануари 2026 12:26 часот
- Споделете на:
Кремљ во четврток соопшти дека Русија се согласува со американскиот претседател Доналд Трамп дека украинскиот претседател Володимир Зеленски, а не рускиот претседател Владимир Путин, е тој што го попречува евентуалниот мировен договор за ставање крај на војната во Украина.
Проценката на Трамп, дадена во интервју за Ројтерс, е во спротивност со ставот на европските сојузници, кои постојано тврдат дека Москва има мал интерес да ги прекине борбите и има за цел да заземе што е можно повеќе територија, обидувајќи се да избегне понатамошни санкции од Западот.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Мислам дека е подготвен да склучи договор“, рече Трамп за Путин за време на разговор со Ројтерс во Овалната соба во среда.
„Мислам дека Украина е помалку подготвена да склучи договор“, додаде тој.
На прашањето зошто преговорите предводени од САД сè уште не го решиле најголемиот копнен конфликт во Европа од Втората светска војна, Трамп одговори: „Зеленски“.
„Се согласувам, ова е навистина случај. Претседателот Путин и руската страна остануваат отворени (за разговори).“
„Руската позиција е добро позната. Таа им е позната на американските преговарачи, на претседателот Трамп и на раководството на режимот во Киев“, изјави во четврток портпаролот на Кремљ, Дмитриј Песков.
Русија контролира околу една петтина од Украина, вклучувајќи го и Кримскиот Полуостров, кој го анектираше во 2014 година. Москва сака Киев да ги повлече своите трупи од делови од регионот Донецк кои Русија не ги контролира, но ги прогласи за своја територија.
Украина, која ја отфрли идејата за предавање на територија на Москва, сака борбите да престанат по сегашните линии на фронтот. САД предложија создавање слободна економска зона доколку Украина ги повлече своите трупи.
Преговорите предводени од САД во последните недели се фокусираа на безбедносните гаранции за повоена Украина, по евентуалниот мировен договор, иако некои европски претставници предупредија дека Путин веројатно нема да прифати некои од овие услови.
Разговорите беа дополнително попречени откако Русија минатиот месец ја обвини Украина за обид за напад врз резиденцијата на Путин, тврдење што Киев го нарече лага.