Ким Џонг-ун предупредува на „зголемување на нуклеарната моќ“ за да им конкурира на САД

Севернокорејскиот лидер Ким Џонг-Ун потврди дека ја зајакнува нуклеарната моќ на неговата земја како одговор на, како што го нарече „непромисленото проширување на системот на воениот блок предводен од Соединетите држави“. 

Ким ова предупредување го кажа за време на говорот по повод националниот ден на Северна Кореја, објавија севернокорејските медиуми. 

Тој ја нагласи потребата од континуирано зајакнување и развивање на борбената способност на неговата армија. 

Коментарите на Ким уследија по распоредувањето во Фенијан на нова платформа за која се верува дека е дизајнирана да лансира помоќни интерконтинентални балистички ракети. 

Претходно, најизолираната земја во светот ја обнови практиката на лансирање балони кои носат ѓубре кон Јужна Кореја.