-
Превод: Флутура Гаши-Мехмети
- 30 ноември 2025 10:10 часот
- Споделете на:
Најмалку четири лица се убиени во пукотница на детска роденденска забава во Калифорнија.
Десет други лица беа повредени во пукотница на забава во ресторан во саботата вечерта во северниот град Стоктон.
Локалната полиција соопшти дека меѓу жртвите има и возрасни и деца. Состојбата на повредените не е јасна, јавува Би-Би-Си.
Осомничениот за нападот е сè уште на слобода, а полицијата вели дека верува оти можеби имал некого на мета.
Канцеларијата на шерифот на округот Сан Хоакин соопшти дека пукањето се случило кратко пред 18 часот по локално време во саботата и ги повика сите што имаат „информации, видео или кои можеби биле сведоци на кој било дел од инцидентот“ да се јават.
Калифорнија има едни од најстрогите закони за огнено оружје во САД и се соочи со предизвици во врска со нив во последниве години.
исто така
Тројца мртви, четворица повредени во напад на фестивал во САД
Во 2021 година, федерален судија ја поништи забраната на државата за оружје за напад, како што е пушката AR-15.
Следната година, Врховниот суд на САД ги прошири правата за поседување оружје, поништувајќи го законот во Њујорк со кој се ограничуваа правата за поседување оружје, загрозувајќи слична регулатива во Калифорнија.
