Хаос на американските аеродроми, откажани повеќе од 800 летови

Повеќе од 800 летови се откажани, а над 2,300 се одложени во Соединетите Држави од октомври, бидејќи кризата со затворањето на федералната влада влегува во својот втор месец - веќе станувајќи најдолгото затворање во американската историја.

Републиканците и демократите се обвинуваат меѓусебно за затворањето на владата кое ги парализира федералните институции и предизвикува големи последици врз воздушниот сообраќај. Поради недостиг на буџет, околу 13 контролори на летање и 50 вработени во Администрацијата за безбедност на транспортот (TSA) работат без плата, бидејќи претседателот Доналд Трамп и демократите во Конгресот не успеаја да постигнат договор за финансирање на владата.

Како резултат на тоа, околу 40 аеродроми се погодени од доцнења и откажувања, што предизвика големи нарушувања во домашните и меѓународните патувања. Авиокомпаниите се обидуваат да организираат алтернативни летови за патниците, но многумина се блокирани, додека други ги откажуваат планираните патувања.

Затворањето на владата, кое започна на 1 октомври, влијаеше и на програмите за помош со храна, додека стотици илјади федерални вработени остануваат без плата.

Републиканците, кои ги контролираат Конгресот и Белата куќа, ги обвинуваат демократите за застојот, барајќи усвојување на резолуција со која би се продолжило сегашното финансирање. Демократите, од друга страна, одбиваат да гласаат за повторно отворање на владата без големи инвестиции во намалување на трошоците за здравствена заштита.