Израел вели дека е подготвен за какво било сценарио во Газа

Израел одговори на одлуката на Хамас да го прекине ослободувањето на заложниците, велејќи дека е подготвен „за секое сценарио во Газа“.

„Најавата на Хамас за запирање на ослободувањето на израелските заложници е целосно кршење на договорот за прекин на огнот и договорот за ослободување на заложниците. Им наложив на ИД да се подготви на највисоко ниво на подготвеност за секое можно сценарио во Газа и да ги заштити заедниците. Нема да дозволиме враќање на реалноста од 7 октомври“, се вели во соопштението на израелскиот министер за одбрана Израел Кац.