Арапско-курдските сили кои се борат против милитантите на Исламската држава во Сирија, со поддршка од САД, ја презедоа контролата врз областа Ал Кадисија, надвор од градот Рака.
Рака е самопрогласена престолнина на Исламската држава во Сирија.
Коалицијата ја започна битката за овој град веќе на почетокот на јуни.
Портпаролот на коалицијата, полковник Рајан Дилон, рече дека отпорот на Исламска држава во Рака се зголемува бидејќи милитантите стануваат се поочајни, пренесува REL.
Коалицијата предводена од САД обезбеди артилериска и воздушна поддршка на арапските и курдските сили во Рака.
исто така
Милитантите на Исламската држава се опколени во Рака
Коалицијата, исто така, соопшти дека убила неколку водачи на Исламската држава, вклучувајќи го и Турки Бинали, свештеник од Бахреин, кој бил еден од најгласните проповедници на групата и редовно се појавувал во нејзините пропагандни видеа.
Извештаите за напредок доаѓаат истиот ден кога ирачките сили поддржани од САД навлегоа подлабоко во градот Мосул и се блиску до негово враќање од милитантите на Исламската држава.
„За неколку дена ќе ја завршиме операцијата. Крајот ќе биде многу брзо“, изјави командантот на армијата Абдулвахаб ал Саадим.
Премиерот на Ирак Хајдер ал Абади изјави дека силите на Владата се блиску до прогласување на конечна победа над бандите на Исламската држава.
Екстремистичката група веќе три години ја презеде контролата врз Мосул, вториот по големина град во Ирак, додека операцијата за негово повторно преземање започна во октомври минатата година.
Во овие осум месеци борби, најголемиот дел од Стариот град на Мосул е уништен, вклучувајќи ја и 850-годишната Голема џамија ал-Нури.
Загубата на Рака и Мосул ќе означи големи победи против Исламската држава, која зазеде големи делови од Сирија и Ирак од 2014 година.
исто така
Исламската држава го „изгуби“ градот Рака во Сирија
Во шестгодишната граѓанска војна во Сирија, САД ги поддржуваат силите кои се борат против режимот на сирискиот претседател Башар ал Асад.
Русија и Иран го поддржуваат Асад, додека екстремистите на Исламската држава се борат на сите страни.
