Литванската разузнавачка служба објави дека Русија ги проширува своите воени единици на границата со НАТО.
Во својот годишен извештај за безбедносните закани, литванската разузнавачка служба прецизираше дека Русија би можела да ги искористи како центар во потенцијален конфликт со НАТО, по војната во Украина.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеВо извештајот, исто така, се наведува дека доколку санкциите кон Русија бидат укинати, таа би можела да биде подготвена за голем воен конфликт со Северноатлантската алијанса во рок од шест години.
Објавувањето на извештајот дојде еден ден откако Финска, членка на НАТО, објави дека планира да ја укине долгогодишната забрана за прифаќање нуклеарно оружје на нејзина територија.
Овој потег, кој би можел да отвори можност за распоредување на ова оружје во Финска во време на војна, веднаш предизвика реакција од Русија.
Портпаролот на Кремљ, Дмитриј Песков, се закани дека, во оваа опција, Русија ќе возврати на Финска, предупредувајќи дека акцијата ќе резултира со ескалација на тензиите на европскиот континент.