Хезболах го обвинува Израел за прекршување на примирјето

Пратеникот на Хезболах во либанскиот парламент, Хасан Фадлалах, во четвртокот изјави дека Израел го прекршил договорот за прекин на огнот пукајќи врз цивили кои се враќале дома во нивните села долж јужната граница на Либан со Израел, пренесува Ројтерс.

„Израелскиот непријател ги напаѓа оние кои се враќаат во пограничните села“, изјави Фадлалах пред новинарите по седницата на парламентот, додавајќи дека „денес има прекршување од страна на Израел, дури и во оваа форма“.

Израел нападна шест области во јужен Либан во четвртокот, тврдејќи дека Хезболах го прекршил прекинот на огнот, откако видел некои осомничени кои стигнале на југ.

Прекинот на огнот меѓу Израел и либанската вооружена група Хезболах стапи на сила во средата според договорот постигнат со посредство на САД и Франција.

ПРОЧИТАЈТЕ ИСТО: