Првата џамија во грчката престолнина Атина е отворена по 14 години инсистирање на муслиманската заедница во земјата и бирократски одложувања од страна на државата, објавија локалните медиуми во Грција. Молитвите за отворање на џамијата се одржаа под мерки за физичко дистанцирање поради зголемениот број случаи на Ковид-19 во Грција, како и во поголемиот дел од Европа. Само мал број луѓе можеа да присуствуваат.
Првиот имам на џамијата е Заки Мохамед (49), грчки државјанин со мароканско потекло. Отворањето на џамијата „испраќа јасна порака за демократија, верска слобода и почит“, изјави владиниот секретар за верски прашања, Јоргос Каланцис.
Опозицијата од Грчката православна црква го одложи отворањето на џамијата од 1979 година. Беа потребни години дури и откако владата одобри во 2006 година да се изгради џамија со буџет од 1.04 милиони американски долари. Сепак, процесот продолжи да се задржува со бирократски пречки, протести на екстремно десничарските групи и правни предизвици.
-
Историската џамија во Солун ги отвора вратите за муслиманските верници за прв пат по 100 години
-
Најжешкиот град во Европа во „војна“ за да остане свеж
-
На Атињаните им се препорачува да останат во затворени простории со затворени прозорци
-
80 илјади муслимани се молат првиот петок на Рамазан во Ал Акса
-
Грција ги легализира истополовите бракови