-
Превод: Флутура Гаши-Мехмети
- 9 декември 2024 15:05 часот
- Споделете на:
Германските власти престанаа да ги обработуваат барањата за азил од Сиријците по падот на владата на Башар ал Асад.
Германското Министерство за внатрешни работи во понеделникот соопшти дека барањата од повеќе од 47,000 луѓе остануваат во тек додека Берлин чека поголема јасност за ситуацијата во Сирија, пишува Њујорк Тајмс.
Според министерството, засега, сириските барања ќе бидат одбиени и „другите одлуки за азил ќе имаат приоритет“.
Германија е најголемиот домаќин на сириски бегалци во ЕУ, со речиси 1 милион луѓе кои бегаат од граѓанската војна.
Соборувањето на Асад предизвика повици од централно-десничарската ЦДУ за стимулации за да се охрабрат да се вратат дома, иако Социјалдемократите и Зелените предупредија дека е премногу рано земјата да се прогласи за безбедна.
Австрија исто така ги суспендираше сите барања за азил на сириските граѓани и ќе ги разгледа веќе одобрените барања по падот на режимот на претседателот Башар ал Асад, соопшти државното МВР.
„Во овој контекст, му наложив на министерството да подготви редовна програма за репатријација и депортација во Сирија“, рече министерот за внатрешни работи Герхард Карнер во понеделникот.
Министерството соопшти дека ја следи ситуацијата во Сирија што брзо се менува и како тоа ќе влијае на барањата за азил, додавајќи дека во моментов се отворени речиси 12,900 барања за азил, вклучувајќи 7,300 барања за прв пат.
