Премиерот на Полска, Доналд Туск, ја нарече „неприфатлива“ одлуката на Германија за проширување на привремените контроли на сите копнени гранични точки за борба против нерегуларната миграција, пренесува „Би-Би-Си“.
Тој е еден од неколкуте високи личности од соседните покраини на Германија кои го критикуваа потегот.
Контролата на копнените граници со Франција, Белгија, Холандија, Луксембург и Данска ќе бидат додадени од следната недела.
Шефот на холандско-германската алијанса на пограничните заедници рече дека тоа е „панична реакција“, додека австриското Министерство за внатрешни работи нагласи дека нема да прифати никој да ја напушти Германија.
Но, конзервативната германска опозиција рече дека Берлин не отишол доволно далеку.
Германската министерка за внатрешни работи, Ненси Фезер, објасни дека проширените гранични контроли треба да се заштитат „од опасностите на исламскиот тероризам и сериозните злосторства“.
Според планот, кој е доставен до 16 германски покраини, полицијата ќе проверува дали некој барател на азил побарал заштита во друга држава на ЕУ. Ако одговорот е да, веднаш ќе се преземат процедури за депортација.
