Бебе пронајдено во Лондон во јануари, сестра на две други бебиња напуштени порано

Мало девојче пронајдено на почетокот на годинава во шопинг торба во источен Лондон е третото дете што го напуштиле истите родители под слични околности во последните седум години, соопшти во вторникот британската полиција.

Малото девојче, по име Елса, го пронашол маж кој бил надвор шетајќи го своето куче една јануарска вечер во близина на фреквентна раскрсница во областа Њухам, соопшти полицијата.

Подоцнежните ДНК тестови открија дека Елса е сестра на две други бебиња кои исто така биле напуштени во истата област, пренесува Ројтерс.

Хари, првото бебе, беше пронајдено во парк во Њухам во септември 2017 година, додека во јануари 2019 година друго бебе, по име Роман, беше пронајдено во игралиште за деца.

Деталите за случајот беа објавени во вторникот, откако судот оцени дека приказната е од јавен интерес.

Би-Би-Си објави дека двете деца кои биле пронајдени претходно сега се посвоени, додека Елса, за која се верувало дека е родена само еден час пред да биде напуштена, е во засолниште. 

Судот најави дека сите деца ќе знаат дека се браќа и сестри и дека планираат да најдат некаква форма на контакт додека не пораснат.