-
Превод: Флутура Гаши-Мехмети
- 11 декември 2025 08:48 часот
- Споделете на:
Добитничката на Нобеловата награда за мир и лидерка на венецуелската опозиција, Марија Корина Мачадо, во четвртокот ја поздрави толпата од балконот на хотел во центарот на Осло.
Мачадо се појави во норвешката престолнина среде ноќ, мавтајќи од балконот на хотелот. Тоа беше првпат да се појави во јавност од јануари.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеМачадо отсуствуваше од церемонијата во Норвешка во среда, каде што требаше да ја прими овогодишната Нобелова награда за мир, но веста дека отпатувала во Европа предизвика реакции во нејзината земја, каде што многумина ја поддржаа токму затоа што не ја напуштила својата татковина.
Ќерката на Мачадо ја прими наградата во нејзино име на церемонија што се претвори во митинг за демократија и, подеднакво, во обвинение против венецуелската влада.
Учесниците на церемонијата детално ги слушнаа документираните кршења на човековите права извршени против вистински или наводни противници на претседателот Николас Мадуро.
До среда вечерта, мајката на три деца не ги видела своите деца околу две години откако ги испратила од Венецуела поради нивна безбедност.
Во интервју за Би-Би-Си по нејзиното појавување на балконот, Мачадо рече дека ги пропуштила нивните матури и свадбите на нејзината ќерка и еден од нејзините синови.
„Повеќе од 16 месеци не можев да прегрнам или допрам никого“, рече таа.
„Одеднаш, за неколку часа, можев да ги видам луѓето што ги сакам најмногу, да ги допрам и да плачам и да се молам заедно“, додаде Мачадо.
Имаше многу шпекулации за тоа дали таа ќе може безбедно да се врати во Венецуела.
„Секако дека ќе се вратам“, изјави таа за Би-Би-Си. „Точно знам какви ризици преземам“, додаде таа.
„Ќе бидам на местото каде што сум најкорисен за нашата кауза. До неодамна, местото каде што мислев дека треба да бидам беше Венецуела, местото каде што верувам дека треба да бидам денес, во име на нашата кауза, е Осло“, додаде Мачадо.
Мачадо тврди дека САД му помогнале да ја напушти Венецуела
Фото: Асошиетед прес
Венецуелската нобеловка Марија Корина Мачадо изјави дека добила „поддршка“ од САД за да патува во Норвешка за да ја прими Нобеловата награда за мир, но одби да даде детали.
На прашањето за околностите под кои ја напуштила Венецуела и дали имала корист од помошта на американските власти, лидерката на опозицијата одговори: „Да, добивме поддршка од владата на Соединетите Американски Држави“.
„Не можам да дадам детали, бидејќи има луѓе на кои би можело да им се нанесе штета“, рече Мачадо за оние кои ѝ помогнале да патува.
„Секако, режимот ќе направеше сè за да ме спречи да дојдам. Тие не знаеја каде се кријам во Венецуела, па затоа им беше тешко да ме спречат“, додаде Мочадо.
Мочадо го имаше своето прво јавно појавување од јануари во среда, појавувајќи се на балконот на хотел во Осло, каде што го чекаа многу поддржувачи.