-
Превод: Флутура Гаши-Мехмети
- 25 март 2025 година 20:09 часот
- Споделете на:
Турскиот претседател Реџеп Таип Ердоган во вторникот ги предупреди демонстрантите да ги „знаат своите граници“ по шест ноќи масовни протести со барање за ослободување на затворениот градоначалник на Истанбул, Екрем Имамоглу.
Говорејќи на ифтар оброк во Анкара, Ердоган рече дека „оние кои шират терор на улиците и сакаат да ја претворат оваа земја во оган немаат дестинација“.
„Патот по кој одат е ќорсокак“, рече турскиот претседател.
Неговото предупредување доаѓа откако лидерот на најголемата опозициска партија го посети Имамоглу во затворот.
Имамоглу, уапсен на 19 март под обвинение за корупција, се смета за главен предизвикувач на 22-годишното владеење на Ердоган.
Неговото апсење нашироко се смета за политички мотивирано и предизвика демонстрации, од кои некои станаа насилни, низ целата земја.
Владата инсистира на тоа дека турското судство е независно и ослободено од политичко влијание.