-
Превод: Флутура Гаши-Мехмети
- 2 август 2026 12:43 ч
- Споделете на:
Мигрантите кои пливаа или се качуваа по огради за да влезат во шпанската енклава Сеута во Северна Африка оваа недела се враќаа дома во саботата, а многумина велат дека гладот, заморот и непријателството од локалното население им ги уништиле надежите за нов живот во Европа.
Оние што се враќале за Ројтерс изјавиле дека првично биле охрабрени од видеата што се проширија на социјалните мрежи и пораките од пријателите во кои се сугерира дека границата, чувана со строги безбедносни мерки, може да се премине.
Но, откако пристигнале во Сеута, многумина рекле дека не нашле начин да продолжат кон континентална Шпанија.
„Дојдовме да напредуваме, а не да бидеме измамени“, рече Брахим, пекар од Фез, кој дал отказ и ја преминал границата откако видел видеа од илјадници луѓе кои го прават истото. „Мислев дека ќе изградам подобра иднина таму. Но, бев изненаден од она што го најдов во Сеута.“
Брахими додаде дека преживеал три дена само на вода и не можел да си ги дозволи високите цени на храната на шпанската страна.
исто така
Сеута во сериозна состојба, илјадници луѓе остануваат таму по приливот на границата
„Како е можно сендвич со туна да се продава за 100 дирхами (околу 10.75 долари)? Сеута беше како затвор“, додаде тој.
Во Фнидек, мароканскиот град спроти Сеута, новинарите на Ројтерс видоа речиси празни улици што водат до граничниот премин, во остра спротивност со илјадниците луѓе што се собраа таму во четврток.
Младите луѓе ја напуштаа границата покрај автопатот или чекаа такси да тргнат од Фнидек, каде што дури и продавниците беа затворени неколку дена.
Оние што се вратиле постојано известувале дека супермаркетите и продавниците биле затворени, оставајќи ги да се борат за храна и вода, додека нивната мокра облека се сушела на улиците.
„Сеута беше како затвор - таму немаше што да правиш. Сè беше затворено“, рече вработен во мароканското пристаниште Тангер Мед, кој одби да биде идентификуван бидејќи морал да се врати на работа.
Некои мигранти ги обвинија и жителите на населбата Ел Принсипе, претежно мароканска населба во Сеута, дека ги нападнале или ги принудиле да заминат.
Мароканскиот келнер Јасин Ичу изјави дека бил претепан и бркан од жителите на Ел Принсипе.
„Тие поставија опсада за да нè принудат сами да ја напуштиме Сеута... и успеаја“, рече тој, осврнувајќи се на масовното затворање на продавниците.
исто така
Од Мароко до Сеута: Приказните на мигрантите помеѓу надежта, насилството и смртта
Шпанското Министерство за внатрешни работи соопшти дека две лица претрпеле полесни повреди во одделни напади со нож и дека полицијата уапсила еден од осомничените сторители. Министерството соопшти дека од четврток не се регистрирани смртни случаи во напади со нож во Сеута.
Рашид, вработен во хотел во Фнидек во близина на границата, рече дека сите шестмина од кујнскиот персонал на хотелот заминале за Сеута на врвот на приливот на мигранти и никој не се вратил, принудувајќи го менаџментот да бара нови вработени.
Од другата страна на границата, во Сеута, кафулињата повторно се отворија и муштериите почнаа да се враќаат, бидејќи градот постепено се враќаше во нормала.
Повеќето продавници останаа затворени, додека полициски возила патролираа по улиците за да обезбедат безбедност.
„Одлучивме да ги отвориме баровите бидејќи, на крајот на краиштата, животот мора да се врати во нормален ритам. Но, нашата безбедност и безбедноста на нашиот персонал секогаш останува приоритет“, рече 24-годишната Марина Кастано, чии родители се сопственици на две кафулиња во центарот на градот.
Некои жители рекоа дека ситуацијата во предградијата продолжува да биде напната.
Вработен во прифатен центар за имигранти рече дека центарот е полн и нема повеќе капацитет да прифати повеќе луѓе, проценувајќи дека илјадници имигранти сè уште се во енклавата.
Во меѓувреме, Мохамед Ахмед, 43-годишен човек од Судан, рече дека камион го оставил него и други мигранти во близина на границата, а потоа пливал четири часа за да стигне до Сеута.
исто така
Бројот на жртви од масовниот прилив на мигранти кон Сеута се искачи на 72
Тој додаде дека полицијата го спречува да се упати кон центарот за мигранти, но инсистираше дека нема намера да ја напушти Шпанија.
„Нема да се вратам. Подобро би умрел обидувајќи се тука“, рече Ахмед.
