Две лица се убиени, а уште едно е повредено во четвртокот во пукање во црква во предградието на Бирмингем, Алабама, соопшти американската полиција.
Осомничениот, кој не беше јавно идентификуван, е во притвор, рече капетанот Шејн Вер од полицискиот оддел на Веставија Хилс. Преживеаната жртва е згрижена во болница поради неоткриени повреди, објави во петокот Си-Ен-Ен.
Пукањето во епископската црква Свети Стефан во Веставија Хилс било пријавено околу 18:22 часот по локално време.
Според календарот на црквата, во исто време со пукањето бил закажан настан наречен Boomers Potluck, но од прес-конференцијата не било јасно дали насилството се случило на тој настан.
Исто така, не е јасно колку луѓе имало на настанот кога биле застрелани.
