Dy persona kanë humbur jetën dhe pesë persona rezultojnë të zhdukur pasi një ndërtesë banimi u shemb pas një shpërthimi në një zonë turistike të Athinës qendrore, bëri të ditur të shtunën një zyrtar i shërbimit zjarrfikës grek.
Shpërthimi i së premtes shkatërroi një ndërtesë dykatëshe në Plaka, pranë disa prej vendeve më të vizituara të Athinës, përfshirë Akropolin dhe Tempullin e Zeusit, duke plagosur tre persona dhe dëmtuar shtëpi, dyqane e automjete.
Kryetari i bashkisë së Athinës, Haris Doukas, tha të premten se ngjarja ka gjasa të jetë e lidhur me infrastrukturën e gazit.