Десет мртви во пожар во дом за стари лица во Шпанија

Најмалку 10 лица загинаа, а други се повредени во пожар што избувна во дом за стари лица во близина на Сарагоса во североисточна Шпанија, соопштија службите за итни случаи.

Пожарот избувна во петокот рано наутро, а локалните власти соопштија дека во домот живееле 82 лица, јави Би-Би-Си.

Центарот е отворен пред 16 години како дом за стари лица според локалните извештаи, но оттогаш е специјализиран за грижа за жителите со деменција и проблеми со менталното здравје.

Возраста на загинатите се уште не е позната.

Други две лица се пренесени во болница, вклучително и едно лице чија состојба е опишана како критична, изјави градоначалникот на Вилафранка де Ебро за шпанското радио.

исто така СВЕТОТ 1 г. пред 11 мртви во пожар во центар за згрижување деца во Алжир

Волга Рамирез за „Кадена Сер“ изјави дека трагедијата можеби е предизвикана од душек кој се запалил во една од собите.

Се сомнева дека лицата починале од задушување.