На само неколку дена до планираниот протест, судот во Москва го осуди рускиот опозициски лидер Алексеј Навални на 20 дена затвор поради повикување на учество на „неовластени“ собири.
Навални, кој е основач на Антикорупциската фондација, а воедно и шеф на руската опозициска партија „Прогрес“, беше уапсен минатата недела.
Во својата изјава пред судијата, рускиот дисидент рече дека неговото апсење е „подарок“ на рускиот претседател Владимир Путин.
„Ние не правиме ништо незаконско“, додаде тој.
Навални планираше да одржи митинг во Санкт Петербург на 7 октомври, на 65-тиот роденден на Путин.
