Британија уапси четири лица осомничени за помагање на иранската тајна служба

Четири лица се уапсени во Велика Британија како дел од антитерористичка истрага поврзана со Иран, соопшти лондонската Метрополитен полиција.

Полицијата уапси еден ирански државјанин и три лица со двојно британско и иранско државјанство под сомнение за помагање на странска разузнавачка служба.

Според полицијата, лицата се осомничени за собирање информации и следење на места и лица поврзани со еврејската заедница во Лондон, јавува Би-Би-Си.

Командантката на лондонската антитерористичка полиција, Хелен Фланаган, изјави дека апсењата се дел од долготрајна истрага и тековните напори за спречување на сомнителни активности.

Британскиот вицепремиер Дејвид Лами, зборувајќи на телевизијата ITV, рече дека Иран е најголемиот државен спонзор на тероризмот во светот и дека овие активности понекогаш се појавуваат во британското општество. Тој нагласи дека разузнавачките служби и полицијата спречиле многу напади во последните години.

исто така СВЕТОТ 4 мај 2025 Осум осомничени за тероризам уапсени во Англија

Според полицијата, 40-годишник и 55-годишник биле уапсени во Барнет, 52-годишник во Вотфорд и 22-годишник во Хароу.

Полициските проверки сè уште се во тек во Вотфорд, Барнет и на адреса на Вембли.

По одмаздничките напади на Иран врз САД и Израел во текот на викендот, британскиот премиер Кир Стармер ги осуди постапките на Иран и рече дека иранскиот режим претставува директна закана за дисидентите, како и за еврејската заедница во Велика Британија.

Тој додаде дека само во текот на изминатата година, Иран поддржал повеќе од 20 потенцијално смртоносни напади на британска почва.

исто така СВЕТОТ 30 април 2026 година Британија го зголеми нивото на терористичка закана по нападот со нож врз двајца Евреи