Белорусија почнува воени вежби во близина на границата со Украина

Белорусија започна во вторник со воени вежби во регионите што граничат со Украина, Литванија и Полска, се вели во белоруското соопштение.

Како што пренесува британскиот медиум TheGuardian, тридневната вежба во регионите Гомел и Гродно има за цел да ги обучи офицерите и војниците на територијалната одбрана. Министерството за одбрана на Белорусија соопшти дека овие воени вежби се изведуваат и за начинот на реакција „во случај да стапи на сила воената состојба“.

Белорусија е најблискиот сојузник на Русија и нејзината територија беше искористена за испраќање војници во Украина.

Ова не е првпат Белорусија да спроведува вежби во близина на Украина и во близина на две земји-членки  на Европската Унија.