Претседателот на Соединетите Американски Држави, Џо Бајден, во средата наутро организираше состанок на земјите-членки на Г7 и партнерите на НАТО, на кој се разговараше за падот на проектили на полска територија еден ден претходно.
Според Ројтерс, повикувајќи се на извори од НАТО, Бајден им дал на сојузниците однапред информации за тоа што се случило.
„Американскиот претседател Џо Бајден ги информираше Г7 и партнерите во НАТО дека ракетата што падна на полска територија е украинска ракета за воздушна одбрана“, рече Бајден, пренесе Ројтерс, повикувајќи се на извори од НАТО.
Ракета од руско производство го погоди во вторникот полското село Пржеводово на границата меѓу Полска и Украина, при што загинаа две лица.
Полските власти вчера одржаа серија вонредни состаноци, а полскиот премиер Матеуш Моравјецки рече дека земјата ќе го активира членот 4 од НАТО алијансата, што значи консултации на сите земји-членки за актуелната ситуација.
исто така
Бајден: Тешко дека проектилот што ја погоди Полска е лансиран од Русија
Со овој состанок, како и обично во слични ситуации, ќе претседава генералниот секретар Јенс Столтенберг.
Русија негираше дека ја насочила ракетата на полска територија.
