Шефот на либанската сунитска милитантна и политичка групација, која се приклучи на шиитската милитантна група Хезболах во борбата против Израел на границата со Либан, рече дека конфликтот помогнал да се зајакне соработката меѓу двете групи.
Генералниот секретар на Ал Џама ал Исламија, или Исламската група, Мохамед Таккуш, изјави дека неговата фракција одлучила да се приклучи на борбата долж границата меѓу Либан и Израел поради израелската офанзива во Појасот Газа и нападите врз либанските градови. објави АП.
„Одлучивме да се вклучиме во битката како национална, верска и морална должност. Тоа го направивме за да ги заштитиме нашите земји“, рече Такуш.
Тој додаде дека здружувањето на силите е направено за поддршка на „браќата во Газа“ каде Израел врши „отворен масакр“.
Додека либанската погранична област се смета за упориште на Хезболах и неговото население е шиитско, има и сунитски села.
Тензиите меѓу двете главни секти на исламот - сунитите и шиитите - потекнуваат од смртта на пророкот Мухамед. Тие продолжуваат и денес, а соработката меѓу Хезболах и Ал Џама ал Исламија е многу ретка.
