Австрија воведе заклучување на национално ниво во обид да ја задржи пандемијата COVID-19. Австрискиот канцелар Себастијан Курц побара од Австријците да не се среќаваат со никого надвор од нивните домови во обид да се спречи брзиот пораст на случаите на новиот коронавирус.
Тој рече дека училиштата ќе бидат затворени и учениците ќе учат од дома почнувајќи од вторник, кога ќе стапат на сила новите мерки. Во петокот Австрија објави рекорден број од 9.586 лица заразени со новиот коронавирус.
Таа бројка беше девет пати повисока отколку на врвот на почетниот бран претходно оваа година. Земјата има регистрирано повеќе од 191.000 случаи од почетокот на пандемијата и 1.661 смртни случаи поврзани со СОВИД-19. До 6 декември, времетраењето на новите мерки, сите несуштински дуќани ќе мора да останат затворени. На сите граѓани им е кажано, доколку дозволуваат условите, да работат од дома.
