-
Превод: Блерта Хаџиу
- 8 мај 2026 12:40 часот
- Споделете на:
Русија и Украина се обвинија меѓусебно во петокот за кршење на едностраното дводневно примирје прогласено од рускиот претседател Владимир Путин на годишнината од победата на Советскиот Сојуз над нацистичка Германија.
Четири години по руската инвазија на Украина во 2022 година, што го предизвика најсмртоносниот конфликт во Европа по Втората светска војна, Русија и Украина продолжуваат да се напаѓаат едни со други со ракети, беспилотни летала и артилерија.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеБез јасна победа за која било страна во оваа долга војна, Путин прогласи прекин на огнот на 8 и 9 мај, што се совпадна со прославите на победата на Советскиот Сојуз над нацистичка Германија, еден од најважните празници во Русија.
Киев сметаше дека прекинот на огнот само за празникот е несоодветен и наместо тоа побара траен прекин на непријателствата, барање што Москва го игнорираше, објави Ројтерс.
Руското Министерство за одбрана соопшти дека 264 украински дронови биле соборени во раните утрински часови во петокот, додека градоначалникот на Москва, Сергеј Собјанин, изјави дека главниот град бил цел на нападите. Официјалните лица додадоа и дека регионот Пермски крај бил нападнат со дронови.
„И покрај прогласувањето на прекин на огнот, украинските вооружени сили продолжија да извршуваат напади со беспилотни летала и артилерија врз позициите на нашите трупи, како и врз цивилни објекти во пограничните региони Белгород и Курск“, соопшти руското Министерство за одбрана.
Русија предупреди дека секој обид на Украина да ја попречи парадата за Денот на победата на Црвениот плоштад ќе биде проследен со масовен ракетен напад врз Киев, дури и им наложи на странските дипломати да го напуштат украинскиот главен град доколку се случи таков напад.
Украинскиот претседател Володимир Зеленски изјави дека руските сили продолжиле со нападите во текот на ноќта, што укажува дека Русија не вложила „вистински напор да ги запре борбите на фронтот“.
„Како што направивме во последните 24 часа, Украина ќе одговори на ист начин и денес. Ќе ги браниме нашите позиции и животите на луѓето“, рече Зеленски.