Саудиска Арабија ќе ја отвори првата продавница за алкохол

Саудиска Арабија се подготвува да ја отвори својата прва продавница за алкохол во главниот град Ријад, која исклучиво ќе опслужува немуслимански дипломати, објави во средата Ројтерс.

Клиентите ќе мора да се регистрираат преку мобилна апликација, да добијат шифра за царинење од Министерството за надворешни работи и да исполнуваат месечни квоти со нивните купувања, се вели во документот, кој го видел Ројтерс.

Овој потег беше поздравен како пресвртница во напорите на кралството, предводени од саудискиот престолонаследник Мохамед бин Салман, да ја отвори ултраконзервативната муслиманска земја за туризам и бизнис, бидејќи пиењето алкохол е забрането во исламот.

Според документот, новата продавница се наоѓа во Дипломатскиот кварт на Ријад, кварт во кој престојуваат амбасадори и дипломати и ќе биде „строго ограничена“ на немуслиманите.

Не е познато дали другите немуслимански имигранти ќе имаат пристап до продавницата, која се очекува да биде отворена во наредните недели.

Алкохолот беше достапен само преку дипломатска пошта или на црниот пазар.