Предупредување за воздушен напад во Молдавија и Литванија

Në Moldavi dhe në Lituani janë ngritur alarme për sulme nga ajri, pas intensifikimit të sulmeve që Rusia ka bërë ditëve të fundit në drejtim të Ukrainës.

Sulmet ruse gjatë natës në Ukrainë kanë shkaktuar vdekjen e të paktën gjashtë personave dhe kanë dëmtuar urën veriore të Kievit, duke pezulluar qarkullimin dhe duke shkaktuar kolona trafiku.

Sulmet ndaj infrastrukturës së kryeqytetit ukrainas kanë vazhduar për të tretën ditë radhazi.

Pas dy ditësh sulmesh, tri nga gjashtë urat rrugore të Kievit mbi lumin Dnipro janë mbyllur tërësisht ose pjesërisht. Ndër objektivat e goditura më herët kanë qenë ndërtesa banimi, depo supermarketesh, pika karburanti dhe qendra logjistike.

Kryetari i Kievit, Vitalii Klitschko, ka thënë të shtunën se sulmi ndaj urës veriore dëmtoi sipërfaqen e rrugës dhe kabllot e trolejbusëve, duke detyruar pezullimin e qarkullimit.

Ministria ruse e Mbrojtjes ka konfirmuar se forcat ruse qëndrojnë pas sulmit, duke pretenduar se ura përdoret për lëvizjen e trupave dhe transportin e pajisjeve ushtarake për forcat ukrainase.

Situata është tensionuar edhe në shtete të tjera të Evropës që kufizohen me Rusinë.

Presidentja e Moldavisë, Maia Sandu, ka thënë se lufta po afrohet në mënyrë të rrezikshme drejt vendit të saj, pas disa rasteve të shkeljes së hapësirës ajrore moldave.

“E dënoj sulmin e Rusisë ndaj Ukrainës këtë mëngjes. Lufta e saj po afrohet në mënyrë të rrezikshme drejt Moldavisë. Pesë mjete ruse të sulmit ajror, përfshirë raketa Banderol dhe dronë, shkelën hapësirën ajrore të Moldavisë dhe shpërthyen në territorin tonë”, ka thënë Sandu.

Tensioni i shtuar në hapësirën ajrore është ndier edhe në vendet baltike.

Aeroporti i Vilniusit në Lituani u mbyll për më pak se një orë të shtunën dhe avionët e NATO-s u ngritën në ajër pasi një dron i dyshuar u raportua se po fluturonte drejt Lituanisë nga Bjellorusia, ka njoftuar Qendra Kombëtare e Menaxhimit të Krizave e vendit.

Qendra Kombëtare ka paralajmëruar se objekti ka të ngjarë të ketë mbërritur nga drejtimi i Bjellorusisë, dhe se autoritetet po punojnë për të përcaktuar se çfarë e shkaktoi alarmin për dron. Kreu i qendrës, Vilmantas Vitkauskas, ka thënë se avionët luftarakë të ngritur në ajër po kryenin procedurat e nevojshme.

Sipas tij, qendra mori raportime nga banorët për një objekt të mundshëm që dyshohet se u zhvendos nga periferia e Vilniusit drejt Jonavës në pjesën qendrore të vendit. Në të njëjtën kohë, zyrtari ka theksuar se këto ishin raportime të qytetarëve, jo të dhëna radari nga misioni i mbrojtjes ajrore.

Во последните месеци, Литванија издаде предупредувања за потенцијална воздушна закана поради тековната руска инвазија на Украина. Во септември, беспилотно летало што го наруши воздушниот простор на земјата беше соборено над литванска територија за прв пат. Слични инциденти претходно се случија во Латвија и Естонија.

E në një njoftim të fundit, presidenti ukrainas, Volodymyr Zelensky, ka bërë të ditur se  Ukraina do të shtojë sulmet ndaj rafinerive të naftës në Rusi, si kundërpërgjigje ndaj sulmeve të reja ajrore të Moskës. Zelensky ka thënë se Rusia po planifikon të godasë një numër më të madh objektivash civile, me qëllim që banorët të largohen nga Kievi dhe qytetet e tjera.

Sipas Zelenskyt, shërbimet ukrainase të inteligjencës kanë siguruar dokumente që tregojnë se presidenti rus Vladimir Putin ka miratuar një “doktrinë të re” për sulmet ushtarake gjatë dimrit.

Zelensky ka shtuar se dokumentet tregojnë se Rusia ka lejuar sulmet ndaj infrastrukturës, logjistikës, rrugëve, shkollave dhe spitaleve, me qëllim që njerëzit të largohen nga Kievi dhe qytetet e tjera.

Sipas tij, qëllimi i kësaj fushate është të ushtrojë presion mbi popullsinë dhe ta detyrojë atë të largohet nga zonat e banuara.