Филипинската војска ги осуди „опасните и провокативни акции“ на кинеската авијација во спорниот дел на Јужното Кинеско Море.
Ова е прв пат Филипините да се пожалат на опасни дејствија на кинески авиони откако претседателот Фердинанд Маркос Јуниор ја презеде функцијата во 2022 година, пишува Ројтерс.
Два авиони на Военото воздухопловство на Ослободителната народна армија извршија ризичен маневар блокирајќи го патот на пропелерскиот авион на филипинските воздухопловни сили NC-212i кој спроведува рутинска поморска патрола кај брегот на Скарборо.
Кина ги „загрози животите на нашиот персонал кој неодамна водел поморски безбедносни операции во филипинските поморски зони“, рече началникот на вооружените сили на Филипините Ромео Бранер, додавајќи дека кинескиот авион се мешал во легалните операции на летот и го прекршил меѓународниот закон за безбедност на воздухопловството.
