Девет лица загинаа како последица на судир на автобус со бандера во Турција. Уште 26 се повредени.
Автобусот сообраќал од Измир кон Агри, јави АП.
Започнаа истраги за расветлување на причините за несреќата што во петокот ја блокираше едната страна од автопатот.
Гувернерот на Анкара, Васип Сахин, рече дека нема знаци на кочење на местото на настанот, што укажува на тоа дека возачот можеби спиел.
