Лидерот на либанската група Хезболах изјави дека се приближува одмаздата против Израел за убиството на неговиот врховен командант во Бејрут минатата недела, пренесува „Би-би-си“.
Говорејќи во телевизиско обраќање, водачот на Хезболах Хасан Насрала рече дека одмаздата „ќе биде моќна и ефикасна“ и дека убиството на командантот Фуад Шукр нема да се третира едноставно како обичен напад.
Тој рече дека групата може да дејствува сама или во координација со другите фракции во регионот поддржани од Иран.
Земјите ширум светот ги повикаа граѓаните да го напуштат Либан, по зголемените стравувања дека нападот на Хезболах врз Израел може да ја прошири војната во регионот.
Иран, исто така, вети одмазда по убиството на политичкиот лидер на Хамас Исмаил Ханије во Техеран минатата недела. И Хамас и Иран го обвинија Израел за нападот. Израел не го коментираше ова.
Насрала зборуваше час и половина.
