Украинската војска соопшти дека ги нападнала руските складишта за нафта

Украинската војска во саботата објави дека во текот на ноќта го нападнала рускиот аеродром Морозовск и голем број складишта за нафта во три руски региони.

Во нападот беше погодено складиште за муниција каде руските сили чуваа воздушни бомби меѓу другата опрема, соопшти војската.

„Руската борбена авијација мора да биде уништена каде и да е, со сите ефективни средства. Исто така, сосема е фер да се погодат руските аеродроми“, напиша украинскиот претседател Володимир Зеленски на Телеграма.

Украинскиот претседател во неколку наврати ги повика своите западни сојузници да дозволат да го користат нивното оружје за далечни напади врз Русија, освен за гаѓање воени цели во близина на границата, пишува Ројтерс.

Тој во саботата рече дека руските сили користеле повеќе од 600 воздушни бомби за да ја нападнат Украина во текот на изминатата недела.

Украина драматично ја зголеми употребата на беспилотни летала со долг дострел оваа година за да ги нападне руските нафтени постројки во обид да и наштети на економијата на земјата.