Москва ја разгледува можноста за намалување на дипломатските односи со Западот, соопшти Кремљ

Кремљ во четвртокот соопшти дека Русија размислува за намалување на дипломатските односи со Западот, поради подлабокото учество на САД и нивните сојузници во војната во Украина.

„Прашањето за намалување на нивото на дипломатските односи е стандардна практика за државите кои се соочуваат со непријателски манифестации“, изјави во четвртокот портпаролот на Кремљ, Дмитриј Песков, пренесува Ројтерс. 

„Поради зголеменото учество на Западот во конфликтот во Украина, Руската Федерација разгледува низа опции за да одговори на таквите непријателски интервенции во кризата во Украина“, изјави тој за новинарите.

Според него, сè уште не е донесена одлука за ова прашање, додавајќи дека Русија разгледува различни начини како да му одговори на Западот.