-
Од:
Сила Јашари
- 6 јуни 2024 година, 10:48 часот
- Споделете на:
Американскиот Стејт департмент одобри продажба на резервни делови на борбени авиони Ф-16 на Тајван за околу 80 милиони долари, пренесува агенцијата „Ројтерс“.
„Продажбата ќе помогне да се подобри безбедноста на купувачот и да се одржи политичката стабилност, воената рамнотежа и економскиот напредок во регионот“, соопшти Пентагон.
Министерството за одбрана на Тајван им се заблагодари на САД. Министерството најави дека продажбата ќе биде финализирана во јули.
Кина постојано бараше од САД, кои се исто така најважниот снабдувач со оружје на Тајван, да престанат да продаваат оружје на островот, за кој Пекинг тврди дека е негова територија.
