6 муслимани се убиени додека се молеле во џамија во Авганистан

Шест муслимански верници се убиени додека се молеле во џамија во западен Авганистан, откако вооружен маж ги нападнал, јавува агенцијата „АП“.

Нападот се случил во понеделникот вечерта во областа Гузара во провинцијата Херат, изјави Абдул Матин Кани, портпарол на талибанското Министерство за внатрешни работи. Тој преку објава на платформата за социјално вмрежување „Х“ објави дека се водат истраги. 

Локалните медиуми исто така објавија дека меѓу убиените е и имамот на џамијата.

Мисијата на Обединетите нации го осуди нападот и повика на заштитни мерки за шиитските заедници.

Огранокот на групата Исламска држава во Авганистан е главен ривал на талибанците и често напаѓа училишта, болници, џамии и области на шиитската заедница низ целата земја.

Талибанците ја презедоа власта во Авганистан во август 2021 година, за време на последните недели од повлекувањето на трупите на САД и НАТО од земјата по 20 години војна, јавува Асошиејтед прес.

И покрај првичните ветувања за поумерено лидерство, талибанците постепено го воведоа строгиот исламски закон, или шеријатот, во земјата, како што правеа за време на нивното претходно владеење во Авганистан од 1996 до 2001 година.