Портпаролот на иранската револуционерна гарда вети дека Израел наскоро ќе го добие „најсмртоносниот удар“ откако израелски воздушен напад го погоди иранскиот конзулат во сирискиот главен град Дамаск, при што загинаа 12 лица, меѓу кои и двајца генерали, Иранци и член на либанската милитантна група Хезболах.
„Наскоро ќе видиме повеќе смртоносни напади против ционистичкиот режим и фронтот на отпорот ќе ги извршува своите должности во оваа насока“, рече генералот Рамезан Шариф за време на прес-конференцијата во средата во Техеран, пренесува АП.
Врховниот совет за национална безбедност на Иран, клучното тело за одлучување, се состана доцна во понеделникот и одлучи да одговори на нападот, објави иранската државна телевизија.
Со состанокот претседаваше претседателот Ебрахим Раиси, но не беа соопштени други детали.
„Ќе ги натераме да се покаат за злосторството и сличните дела“, рече врховниот водач ајатолахот Али Хамнеи, кој го има последниот збор за сите државни работи во Иран.
