24 загинати во Мексико откако автобус се судри со камионска приколка

Најмалку 24 лица загинаа, а пет други се повредени при превртување на автобус во централно Мексико по судир со приколка што се откачила од камион кој превезувал пченка.

Несреќата се случила на полноќ во петокот додека автобусот заминувал од западната мексиканска држава Најарит кон Сиудад Хуарез во северно Мексико. 

Повредените се згрижени во болница во Закатекас, пренесува АП.

Хуан Манрикез Морено, координатор на Националната гарда во Закатекас, во видео изјава споделена на социјалните мрежи рече дека приколката на камионот се скинала на автопат. 

Патнички автобус се судрил со приколката и се превртел на десната страна.